Asturies negra: Tina, Taibo y De La Calle

Dentrada-----------------------Sueño de Solentíname-----------------Flitter(3:51) Buen dia, si hue ye mierques, isto ha de ser O Suenio d´o Dragón, , dende Radio La Granja, en o 102.1 d´a F.M, en o vico de San José, en Zaragoza, Ciudat Prisión. 35 anyos informando de la luita en directo, porque la luita nunca s'atura, se re-inventa Cuña Crowfounding-------------------1:48 Mosica de fondo-----------------Nuberu----------------Como tu yes o nueu siet seis trenta y seis uitanta y ueito novanta y quatro…….nueu siet seis tres seis ueito ueito nueu quatro. Tamién puetz mandar os vuestros comentarios, criticas, peticions...a o guasap siguient: Hashtag OSD seis uitanta y nueu novanta y ueito zero seis vintisiet….Hashtag OSD seis ueito nueu nueu ueito zero seis dos siet. Canso d'intentar salvar a o mundo d'ell mesmo, he decidiu prener-me unas vacancias; basicament por que cada día veigo mas supervillans, y yo he d'estar o solo superdragón, y no quieras imachinar-te cómo me sientan a capa y as mallas… De traza que, como que voi a tener bell poquet mas de tiempo libre, m'he meso a apanyar o camín de recholas amariellas; quan acabe, podríanos ir un día d'istos , fendo una gambada, dica o País d´Oz. Una vegada allí, si quiers, podríanos ir a veyer a o Gran Mago. Dicen que si le pides un deseyo, en ocasions, te lo concede, como que si estase a Fontana de Trevi. O que no sé ye si tamién caldrá chitar-le diners… Yo le pediré que m'amuestre a tocar a guitarra como que Raymundo Amador. Tu, si te cuaca, podrías pedir un corazón, y asinas me tornas o mío, que lo chito de menos. Por si a un caso, ves pensando en qué le vas a ofrir a cambeo… Con tot, de momento sigo asperando; pero malas que acabe o sendero me marcharé, con tu u sin tu, te lo churo por Camarón... Camarón------------------Pata Negra (3:08) Bueno, pus continando un poquet a linia que heba empecipiau a seguir, A Bodega, a Huelga d'o 27. L'anarquía en Andalucía, a continuación yera, a lo menos pa yo, pro obvia: a huelga d'o 34, con especial mención a Asturias, a partir d'alavez, Asturies a Roya. Pero imos a dar-le una nueva deriva a ista embarcación que nos adrentra en o mundo d'os suenios, y charremos sí, de Asturies, pero empecipiando por o final; charremos d'a Semana Negra de Gijón, que iste anyo se celebrará a trentena edición d'o 3 a o 12 de chulio de 2020; iste anyo, mas que nunca, re-inventando-se pa continar estando a trobada literaria, cultural y reivindicativo mas lonchevo d'Espanya. A crisi sanitaria global obliga a adaptar a la situación o formato historico tradicional, pero en garra caso o esprito iconoclasta y compromeso que dende fa 33 anyos leva a proposar nuevas ideyas pa o debat y a reprener argumentos que l'actualidat enzuriza a situar en as mesas de discusión, chunto a muitos d'os millors escritors, creyadors y artistas d'o mundo. Como que siempre, con a promoción d'a lectura como obchetivo. A imposibilidat de realizar o formato historico d'o Festival (una trobada con beluns d'os mayestros d'a literatura y as narrativas de chenero enmeyo d'una gran fiesta popular y masiva) no impedirá realizar en calendata l'evento cultural, siempre en a ciudat mai d'a Semana Negra, Xixón. Os espacios d'o Centro de Cultura Antigo Instituto acullirán as actividatz de debat, conferencias, presentacions, exposicions y conciertos, mientres que a Feria d'o Libro d'a Semana se celebrará chusto a o costau, en a carrera piatonal Tomás y Valiente. Aforos controlaus y limitaus y cudiau extremo. Pa ixo, l'asistencia a os actos en o CCAI precisará de dentrada, que s'obtendrá por internet de forma gratuita dica completar l´aforo.Mas d'un centenar d'autors participarán, fisica u telematicament, con as suyas propuestas y obras en ista edición d'a Trobada, y numerosos serán os temas y propuestas que compondrán as actividatz y os debatz con os autors en ista nueva y especial edición d'a Semana Negra que omenacheará a o escritor Luis Sepúlveda, feneixiu por o coronavirus. L'artista italiana Lorena Canottiere ye l'autora d'o cartel. Un nino que chuga a policías y ladrons ye l'encargau d´escubrir o que i hai mas ent´allá, que ye a nueva ciudat, a realidat a l'atro costau d'as uembras. Lorena Canottiere prencipió o suyo trayectoria como autora de comic n´O Corrierino, famoso suplemento infantil d'o diario italián Correse della Sera. En 2010 publica a suya primera novela grafica, Oche, a la quala seguiría Verdat, historia d'una militant anarquista que se desplaza a Espanya a combatir en a guerra civil, con a quala obtenió en 2018 o Premio Artemisa por a suya edición francesa. O festival se celebra dende l'anyo 1988. L'autor d'a ideya y director d'o festival ye o escritor asturmexicano Paco Ignacio Taibo II, qui conta dende os suyos inicios con a colaboración d'atros estudiosos, como que Ángel de La Calle en a sección de cmic.1​ Precisament de La Calle ha pasau a endrezar os contenius literarios, de cmics y culturals d'a Semana Negra, dimpués d'a renuncia de Taibo, que ha decidiu dedicar-se a la politica mexicana (como que integrant d'o partiu Movimiento Recheneración Nacional) y que en o festival contina como parte d'os quals seleccionan os contenius literarios d'o certamen. Concebida y endrezada por Taibo, a Semana Negra s'encetó como un modesto festival que reuniba a escritors de novela policiaca y ofriba amás mosica y atras artes scenicas a o publico, y que serviría de marco a una trobada de l'executivo de l'Asociación Internacional d'Escritors Policiacos (AIEP). En os suyos conciertos han participau mosicaires como que Willie Colón, Los Lobos, Mano Negra u Georges Moustaki. El Norte está lleno de frío------------Ilegales(2:39) Iste texto, titulau “Sobrel a Fotografía”, estió publicau orichinalment en o volumen 5, numero 4 correspondient a octubre-aviento de 1929 en a revista American Folkways. “Cada vegada que s'usan as parolas arte u artista en relación a os míos treballos fotograficos, noto una sensación desagradable, habiu de sin dubda a o mal emplego que se fa de tals termins. Me considero una fotografa, brenca mas. Si as mías fotografías se diferencian d'as qualas cheneralment se fan, se debe a que no tracto de producir arte, sino fotografías honestas, sin recorrer a trucos ni artificios; entre que a mayoría d'os fotografos continan buscando efectos artisticos u a imitación d'atras expresions plasticas, o qual produz un efecto hibrido, que no permite distinguir en a obra a suya caracteristica pero significativa: a suya calidat fotografica. S'ha discutiu muito en os zaguers anyos si a fotografía debe u no estar considerada obra artistica digna de comparar-se con as atras artes plasticas. Existen diverchencias entre aquells que la consideran un meyo d'expresión como que os de demás y os miopes que miran iste sieglo XX con os uellos d'o sieglo XVII, estando incapaces de distinguir os aspectos mas importants d'a nuestra civilización tecnolochica. Pero a os quals usamos a camera como traste de l'oficio, como que un pintor utiliza os suyos pincels, no nos intresan as opinions contrarias, porque goiamos de l'aprebación de quantos reconoixen as multiples funcions d'a fotografía y a suya directa eloqüencia pa fixar y rechistrar a epoca actual. Por ixo no ye indispensable saber si a fotografía ye un arte u no. O que conta ye distinguir entre buena y mala fotografía. Buena ye aquella que accepta os limites d'a tecnica fotografica y aprofita as posibilidatz y caracteristicas que o meyo ofreix. Mala ye aquella fotografía realizada con complexo d'inferioridat, no reconoixendo a valor especifica d'o meyo y recorriendo a tot tipo d'imitacions. Istas obras dan a impresión de que l'autor quasi tiene vergüenya de fotografiar a realidat, y intenta amagar a esencia fotografica d'a obra sobreponiendo trucos y falsificacions. A fotografía, porque solament puede estar realizada sobre o present, y sobre o que existe obchectivament debant d'a camera, s'afirma como o meyo mas incisivo pa rechistrar a vida real en cadaguna d'as suyas manifestacions. D'astí a suya valor documental. Si a isto adhibimos sensibilidat y conoixencia d'os temas, chunto a una ideya clara d'o puesto que s'ocupa en o desembolique historico, o resultau será digno, creyo, d'ocupar un puesto en a producción social a la quala totz hemos de contribuir.” Tina Modotti. 1929 El Sol que tú eres ---------------------------Linda Rondstadt (2:59) Tina Modotti estió una fotografa, activista comunista, actriz y modelo, entre atras cosetas, d'orichen italián, que estió participe directa de buena parte d'os escayecimientos historicos mas importants d'a primera metat d'o sieglo XX. Si hese naixiu hombre, segurament sería una figura mundialment conoixida, pero como que naixió muller a suya vida ha teniu muit poca repercusión. Ángel de la Calle, gran conoixedor d'as suyas peripecias, tractó de dar a conoixer a Tina Modotti con a publicación de Modotti. Una muller d'o sieglo XX en 2003. Posteriorment, tamién en Sins Entido, o comic fuo re-editau en 2007 y 2011. O comic d'Ángel de La Calle no ye una biografía a l'uso, ya que o relato s'estructura en dos eixes: a vida de Tina Modotti y o proceso d'investigación que levó a cabo l'autor. As dos tramas se van combinando, de traza que veyemos as interesants reflexions de De la Calle y o suyo uso y critica d'as biografías existents, a medida que abanza a historia personal d'a fotografa. Amás, pa enriquir encara mas a historia, ista no sigue un orden cronolochico estricto, de traza que a vida de Modotti se va construindo como que si estase un rompecabezas. A remarcar, pa yo, por lo comico y bella cosa absurdo, pero orichinal y surrealista, a narración d'a nueit en que D'a Carrera y Taibo compartioron quarto d'hotel, mientres en a cambra d'o costau dos senils superheroes discutiban a voz en chilo… qui quiera saber mas, que se leiga o comic... Tina Modotti se tresladó con a suya familia a la costa ueste d'os Estaus Unius dende o norte d'Italia, a inicios d'o sieglo pasau, como que cientos de milars d'os suyos compatriotas. De traza pro casual acabó treballando como actriz en l'Hollywood d'o cine mudo y gracias a os contactos que establió allí, pasó a relacionar-se con artistas de diversas disciplinas. Se tresladó a Mexico an, d'a man d'Edward Weston, encetó a suya corrida como que fotografa. Dende una fotografía mas artistica, os suyos intréses derivoron ent'os temas socials, con as grans desigualdatz d'a sociedat mexicana d'a epoca como eixe central d'a suya fotografía. Se relacionaba con l´astajada cultural d'o país y luego dentró en o Partiu Comunista. A persecución a la quala os miembros d'o Partiu yeran sozmetius, la levó a establir-se en Europa. Berlín y Moscú, l'Asturies d'o 34 y, posteriorment, a Guerra Civil espanyola estioron os escenarios en os quals Modotti s'implicó plenament, metendo a suya vida en periglo en multitut d'ocasions. A suya participación en o Partiu Comunista, en plenos anyos 30, yera cada vegada mayor – plegó a fer diversas misions pa o Cominform -, y mesmo estió la causa d'o suyo abandono d'a fotografía. A suya participación en grans escayecimientos historicos, as suyas relacions – de tot tipo – con os y as millors artistas d'a suya epoca y a suya misteriosa muerte, de conchunta con o ritmo d'o guión, fan que a lectura d'a novela grafica t'atrape. Dimpués de leyer-la, solament una pregunta me vinió a la cabeza: “Cómo ye posible que no conoixese a historia de Tina Modotti?”. Tornando a l'inicio, creigo que a suya condición de muller contribuyó a que no estase una figura masiau conoixida. Un hombre que hese viviu una quatrena parte d'as cosetas que vivió Modotti tendría multitut de libros y cintas glosando as suyas feitas. Amás, unatro aspecto destacau d'o comic ye que Tina Modotti ye a protagonista real d'a suya vida, ye ella a que prene as suyas propias decisions, en totz os ambitos. Ye ella a que s'enfrontina a o masclismo imperant en a epoca y a que en muitas ocasions vence. Ella ye a gran muller y no ye dezaga de garra hombre, a o contrario, son ells os que son dimpués de Tina, invalidando a topica frase. O blanco y negro funciona bien, asinas como os fondos desdibuixaus u inexistents, en ocasions, que permiten fer enfasis en l'acción y en os dialogos. A o mío pareixer, encara que podese pareixer un fallo, o feito que os personaches secundarios sían bella cosa desdibuixaus fa que a imachen de Tina se reforce, recordando-nos en tot momento a suya fuerza y decisión, asinas como as dificultatz d'a suya luita, agreviadas por a suya condición de muller en un mundo d'hombres. En muitas ocasions, os dibuixos recuerdan muito, en o suyo estilo, a l'admirau Hugo Pratt y o suyo Corto Maltés.Un d'os elementos mas interesants ye a inclusión de dibuixos de muitas fotografías de Modotti, de traza que amás de conoixer a suya vida tamién nos introducimos en a suya obra artistica. Os anexos que incluye o comic n´Edición de 2011 son a Ciresa de rafal d'o pastel, ya que incluyen o texto de Tina Modotti sobre a fotografía, una dotzena d'as suyas fotografías mas valurosas y un epilogo de Paco Taibo sobre a obra d'Ángel de la Calle y sobre o periplo de totz dos – Taibo tamién amaneixe en a obra – entre a investigación pa elaborar o comic. Una gran lectura y un gran personache, que totz y todas habríanos de conoixer. Como a ista zaragozana: Aída De La Fuente--------------Nuberu (5:19) Agora, si m'acompanyas a la cocina, imos a aprender a fer undelicioso humus de marihuanaOs ingredientz pa elaborar-la son: 400 gramos de garbanzos cocius 2 dients de allo meya taza de comín moliu ¼ de taza de suco de limón natural ¼ de taza de salsa tahini ¼ de taza de aceite de marihuana Sal y pebre a o gusto Aquí, se nos presientan dos opcions, mercar a salsa tahini, u fer-la nusatras: o que nos leva tamién a unatra dicotomía: femos o humus, u a salsa tahini de marihuana? Pus cadaguna a o suyo libre albedrío. Yo recomendaría fer una sola coseta con marihuana, pero cadagún … De todas formas, ye tant sencillo como substituir l´aceite no cannabico por azaite cannabico... Cómo fer salsa tahini casera Ingredient fundamental de la cocina d'Oriente Meyo, a salsa tahini tamién clamada tahina u tahin, ye un puré cremoso a pur de sesamo que se sirve habitualment con os falafels. Tamién ye un ingredient que forma parte d'o hummus u puré de garbanzos y d'o baba ganush u puré d'alberchenas, encara que simplament untada con pan ya resulta deliciosa si tos da preza cocinar atras elaboracions. Amenesteretz una sartana y una batedora con cuchilletas. Ye tant sencilla, que si tos aficionáis a preparar-la en casa nunca mas itz a recorrer a la comercial, pus sin dubda en a casera s'aprecian muito mas o gusto pronunciau y potent, encara que ixo sí, con una textura mas rustica que as que venden en as botigas. Ingredientz Pa 6 personas Simients de sesamo 200 g Azaite d´oliva virchen extra 90 ml Flor de sal, u sal marina, 3 g Prencipiaremos, pa que a nuestra salsa tienga un gusto mas pronunciau, turrando as simients de sesamo. Pa ixo en una sartén sin brenca de grasa metemos as simients y as doramos entre cinco menutos. Si mercatz sesamo turrau, podetz blincar este paso. Deixamos enfriar o sesamo entre 10 menutos. Lo siguient será meter en o vaso d'una picadora u molinet as simients y a mica de flor de sal. Prencipiamos a picar o sesamo, y quan prencipie a formar-se una pasta empecipiamos a adhibir l´aceite poco a poco, dica aconseguir una pasta cremosa. Quan aconsigamos a pur de capolar a textura que nos faiga goyo, la retiramos d'o veire d'a batidora y la pasamos a un bol u a un frasco hermetico si no la imos a a usar en o momento. Una vegada lo tiengas tot, lo primer que has de fer ye pillar o vaso d'a batidora y introducir o suco de limón, a salsa tahini y mezclar entre 30 segundos. Pasau iste tiempo, adhibe a la mezcla os garbanzos, os dients d´allo, o comín, l´aceite y, por zaguer, dos cullaradas d'augua y bate-lo tot. En prencipio, d'ista traza ya sería listo. Solament quedaría que a la hora de servir salpebres a o gusto y anyadas un churret d´azaite crudo. Fumadito--------------------------------------Yonkilove(4:27) Cuña Crowfounding-------------------1:48 y dica aquí o programa de hue. Si t´ha feito goyo, nos torna-mos a sentir cada 15 días en O Suenio d´o Dragón, en Radio La Granja, en o 102.1 d´a F.M. Has de marchar, pus si tiens que fer-lo, fez-lo; pero si no te viene de gusto...nena, por favor, no vaigas Baby please don´t go--------The Doors( 1:58)