Dentrada-----------------------Sleep A Little Less, Dream A Little More----------MDC (2:00)
Buen día, hue ye mierques, y son as 11 oradas...prencipia O Suenio d´o Dragón, dende Radio La Granja, 102.1 d´a F.M, en o vico de San José, en Zaragoza, Ciudat Prisión.
35 anyos informando y propagando a verdat a peito descubierto, sin más...caretas. Agora y siempre, estricalla o faxismo.
Deciba l´inmortal Pablo Neruda que muere qui no arrisca lo seguro por lo incierto pa ir dezaga d´un suenio… asinas que menos adormir y más soniar.
Cuña Crowfounding-------------------1:48
Bueno, pus tornamos a veyer-nos y sentir-nos en suenios. Como que pareixe que no t'animas a escribir-me ni a contar-me brenca, voi a recordar-te todas as posibles formas de contactar con o programa, y con yo, Jose Dragón
Si quiers participar y acompanyar-me, puetz fer-lo d'as siguients trazas:
A primera, clamando en directo a o programa, pa ixo has de marcar o nueu siet seis trenta y seis uitanta y ueito novanta y quatro…….nueu siet seis tres seis ueito ueito nueu quatro.
Tamién puetz mandar os vuestros comentarios, criticas, peticions...a o guasap siguient: Hashtag OSD seis uitanta y nueu novanta y ueito zero seis vintisiet….Hashtag OSD seis ueito nueu nueu ueito zero seis dos siet.
Recuerda que, como que a intención ye fer o programa de raso en aragonés, te pido permiso de antemán pa traducir-lo a ista luenga. De no estar asinas, lo leyeré en l'idioma en que lo mandes.Si, por o que sía, no puetz escuitar a fm, no i hai problema, puetz escuitar o programa en directo vía on line, l'adreza ye hache te te pe dos barras inclinadas radiolagranja (tot chunto y en minuscla) punto caster punto fm´. Y si asinas tampoco puetz escuitar-lo, pencharé en Ivoox os audios pa que cadagún pueda escuitar-los quán y án quiera u pueda; existe una pachina de Facebook tamién, O suenio d´o Dragón.
Mosica de fondo: Horas Bajas-------Los Rebeldes.
Siempre hay un precio---------------Luz Casal
A nueit en que Luna zarró os uellos, estió una d'as nueitz mas largas d'a mía vida. Creigo que habió de durar uns 3 meses,, encara que no descarto que isen 3 anyos. Me veyié, de rapiconté, con os míos pertreitz de dragón funambulista, incapaz de distinguir a cuerda por a quala quereba caminar. De traza que, ni curto ni perezoso, replegué os míos trastes, torné o ret a las arainas y me deixé levar por Foscor.
En realidat, Foscor ixordó os míos uellos y aniebló os míos sentius, y agarrapizando-me con fuerza a man tiró de yo dica fer-me chilar. Ridié y bailé en o vuedo sin importar-me brenca, solament chirar y chirar a o son d'a mosica d'a mía cabeza, en un esbarrancau clis de mar. No i heba horizont, ni luz, ni manyana…
Dica que Luna decidió acabar con ista locura y ubrió os uellos, desipando a broma. Foscor, sin decir parola, m'abandonó, como que a una mascota no deseyada, a o canto d'una márguin.
Y alavez la veyié, allí yera ella, a mía uembra; con a primera claridat, vinió a por yo sin un retreito, con una riseta en a cara, sin preguntar án has estau istos 3 meses, u anyos, u vidas…
Y nos endrezamos poco a poco, sin prisas, saboriando as primeras rayadas d'o maitín, enta nuestra cubilar, a descansar y a charrar d'ixa larga nueit sin Luna; pus, como l´he prebado d´esplanicar a Peter Pan, no i hai garra secreto entre a mía uembra y yo
Mi sombra y yo------------091(3:47)
Andalucía y l'anarquismo (1868-1936)
Mosica de fondo------------------------Negu Gorriak----Ideia Zabaldu.
Andalucía ye una d'as rechions esencials en a vida politica, social, cultural y economica d'o Estau espanyol.
Os suyos problemas socials y economicos, derivaus d'una mayoritariament
inchusta distribución d'a propiedat d'a tierra, se convirtioron en o primer tercio d'o sieglo xx en qüestions primordials que, tanto Monarquía como Republica, debeban solucionar. Amás, estió una d'as rechions en as qualas mayor importancia tenioron as
ideyas libertarias entre istos decenios. Asinas lo indican tanto a suya amplia
presencia numerica como cheografica. Sin l'actividat d'os anarquistas
no ye posible comprender a vida d'a mayoría d'as comarcas andaluzas. Dica o punto que se puede afirmar que existió unaconexión entre muitas d'as sinyals d'identidat acratas, como que ofederalismo u a comprensión d'o mundo agrario, y as d'o conchunto d'a sociedat andaluza.
Hue podemos afirmar que, de forma cheneral, entre istos decenios,
l'anarquismo en Andalucía, en primeras, no estió una ideolochía marguinal,
aluenyada d'a mayoría d'a población y con fuertes tendencias
terroristas, sino que, por contra, yera un poderoso competidor
d'o sistema social y politico imperant entre ixos decenios. En segundo
puesto, que dillá d'o que significó socialment, carauterizó-se por desembolicar una amplia actividat cultural y educativa eixemplificada
en un incontable d'ateneus, escuelas y periodicos que animoron
y mantenioron entre ixos anyos. Amás d'estar una d'as vías
d'introducción de movimientos, como que o vechetarianismo, neomalthusianismo,
naturismo u difusión d'o esperanto. Esfuerzo que creyó una alternativa cultural
y mental a la liberal y relichiosa imperant. Finalment, en tercer
puesto, que en a conchuntura d'o verano de 1936 significó una alternativa
de rechimen social, transformando o que se presienta habitualment
como que una guerra fratricida en una autentica revolución social.
Asinas, a traviés de l'anarquismo, a clase obrera andaluza, tanto rural
como que urbana, estió adquirindo un mayor grau d'organización dica
aconseguir a suya eclosión a partir d'os anyos d'a Primera Guerra Mundial.
Preeminencia que mantenió, frent a la socialdemocracia, en primeras,
y a o comunismo, dimpués, dica 1936. Frent a os quaranta mil asociaus
que aproximadament teneba a UGT en 1920, a CNT aconseguiba
mas de cient mil.
As comarcas de mayor implantación anarquista yeran as de mayor
concentración de propiedat d'a tierra, as de mas numero de pobres;
as d'antigas experiencias de luita y desenganyo labrador en pleitos
antisinyorials, y as que fuoron obchecto d'a represión tanto monarquica
como republicana. Pero tamién lo fuoron as zonas de fuerte
presencia de treballadors d'industrias ligadas a la revolución industrial
como miners, constructors navals u os diferents oficios d'a
construcción urbana. En ells, as ideyas libertarias ocuporon o espacio
social que deixaba o desinterés d'o Estau por integrar en
as suyas estructuras a os colectivos d'as clases subalternas. Circumstancias
que proporcionoron as condicions pa que grillara a intensa
propaganda y os flexibles plantiamientos ideolochicos, tacticos y teoricos,
que encaixaban con l'actitut «moral» labradora, as expectativas
d'as recients aglomeracions urbanas y a suya empento favorable
a l'acción directa.
O republicanismo, dende antes de 1869, emparaba as reivindicacions
labradoras sobre as tierras usurpadas y, como que o
naixient movimiento obrero, sufrió persecucions. En a Federación
d'a Rechión Espanyola trobamos a treballadors seguidors
de Bakunin y antigos republicans como Fermín Salvochea, l´ex
sacerdote y deputau federal Antonio Pedregal Guerrero u Miguel
Mingorance. Posteriorment, en o decenio d'os uitanta d'o sieglo XIX,
a Federación de Treballadors d'a Rechión Espanyola aglutinó
a totz ixos sectors en o suyo sino por meyo d'as sociedatz cooperativas
y de socorros mutuos preexistents u republicans con dople militancia.
Estió una d'as razons d'o suyo espectacular creiximiento en
Andalucía. Mas abance, republicans y anarquistas se distancioron
y luitoron por ocupar o espacio d'o asociacionismo obrero. Pero
dinantes estioron chuntos, dimpués d'a revolución de 1868 y a proclamación
d'a primera Republica, en os intentos de rebombar as sentencias contrarias
a os municipios en os pleitos sobre a propiedat d'a tierra. En
l'agüerro de 1869, quan a insurrección federal o suyo mapa se corresponde con as zonas de mayor conflictividat social como Málaga, Sevilla, Cádiz u Córdoba,
y a las suyas partidas s'incorpororon numerosos treballadors.
En Morón de La Frontera (Sevilla), os escritos d'os primers internacionalistas estioron difundius por a revista republicano-federal madrilenya La Justicia Social; semellants procesos se dioron en atras zonas como que a Bahía
de Cádiz, o campo y sierra d'a provincia gaditana u en
Cordoba. Dende alavez, istas comarcas no deixoron de contar con
a presencia de nuclios d'a FRE, FTRE y grupos especificos anarquistas
que coexistioron con os de Partiu Republicano Federal u
intentos de fundar federacions obreras de tendencia republicana
como a empentada por Manuel Moreno Mendoza, masón, correlichionario
de Blasco Ibáñez y alcalde de Jerez entre a II Republica,
a caballo entre os sieglos XIX y xx.
En os primers anyos d'o sieglo xx
istas sociedatz ya seguiban mayoritariament as pautas anarquistas
por a tasa utilidat d'as anteriors adrezas en aconseguir milloras
economicas. A partir d'iste momento, y manimenos a competencia
d'o socialismo en qualques comarcas rurals andaluzas, l'anarquismo
se convirtió en a ideolochía dominant en o movimiento obrero andaluz,
urbano y labrador, dica 1936.
Cinco son as caracteristicas que pueden definir-lo entre istos
decenios:
Primera, Extensión cheografica, persistencia en o tiempo y espacio
y importancia en o movimiento libertario
Andalucía yera dividida en 92 partius chudicials entre as tres primers decenios d'o sieglo xx. Un referent mas cercano a o caracter confederal andaluz
y anarquista que a división provincial, que a ormino se blincaban
as federacions comarcals d'a CNT. En ells trobamos una
significativa presencia anarquista en todas as capitals de provincia
y en mas d'a metat d'os partius. Pero mayoritaria en os mas
poblaus d'a cuenca d'o Guadalquivir,quasi o 65 por
100 d'o territorio andaluz.
L'anarquismo dominaba en a practica
totalidat d'as provincias de Cádiz, Sevilla, Cordoba y en mas d'a
metat de Huelva y Málaga. Dende o campo cordobés dica
a suya desembocadura en Sanlúcar de Barrameda. Os suyos puntos febles yeran os municipios mas orientals d'a rechión perteneixients a Almería y os de Jaén.
A la fuerte implantación cheografica y numerica en a rechión, a l'anarquismo andaluz
cal sumar-le que estió tamién un puntal basico d'o movimiento
libertario espanyol.
Presents os obrers andaluces dende a creyación d'a I Internacional
en Espanya, os apegaus a organizacions de tendencia anarquista
u anarcosindicalistas siempre estioron entre os mas numerosos.
Ya entre a existencia d'a FRE se creyoron dos Comarcals, a Iste
y Ueste, que indicaba no solament l'amplitut territorial d'a rechión,
sino tamién o creixent numero de sociedatz y federaus. En
1882, con motivo d'o congreso que a FTRE celebró en Sevilla, mas
d'o 60 por 100 d'os treballadors representaus yeran andaluces.
Important presencia que se mantenió entre os primers congresos
d'a Federación de Sociedatz Obreras de Resistencia d'a Rechión
Espanyola (FSORE).
No estió, por tanto, extranyo que dimpués d'a creyación d'a CNT l'anarcosindicalismo
andaluz se convertise en un d'os suyos mas solius
pilars. A suya importancia numerica yera tant decisiva que se le consideró
a «infantería» d'o movimiento revolucionario espanyol.
Predominio numerico que se complementa con o cheografico.
Ya en 1870-1872, entre os farfallos d'a organización obrera
internacionalista nos trobamos con grupos de treballadors y labradors
de diversas comarcas y poblacions andaluzas. Muitas d'ellas
remanioron fidels a os prencipios d'acción d'o societarismo
y sindicalismo acrata.
Iste important numero de comarcas que entre ixos decenios
contoron con una significativa presencia anarquista nos leva a plantiar
que as ideyas libertarias tenioron entre iste periodo una
2. Equilibrada presencia tanto en o mundo rural como urbano
Tradicionalment se le ha atribuiu a l'anarquismo andaluz un
component esencialment agrario. . A qüestión
d'o latifundio y as suyas conseqüencias socials ha estau una manta que
ha amagau a presencia de comarcas industrializadas, d'importants
ciudatz que si bien yeran totalment immersas en o mundo rural,
tamién contaban con una industria de transformación que las convertiba
en bella cosa diferent d'o mero nuclio rural.
Hue día conoixemos un panorama muito mas complexo en o qual
a las limitacions d'a primera revolución industrial en Andalucía,
quan pierde a oportunidat de protagonizar a modernización estatal,
se le adhiben bellas millienturas entre a segunda revolución, que
comprende o periodo de maxima influencia de l'anarquismo en a rechión.
Quan o porcentache andaluz d'o producto fabril espanyol
se situaba arredol d'o 20 por 100. Ye en 1936 quan ya podemos
charrar con mayor propiedat, en numero y calidat, de diferencias
entre nuclios urbans y rurals, y quan l'anarcosindicalismo tiene
un mayoritaria presencia de afiliaus relacionaus, mas u menos intimament,
con o mundo agrario, o 56,4 por 100. Encara que muito
menor d'o que podría suposar a existencia d'o topico.
De todas formas, difuera en o mundo urbano u en o rural, l'anarquismo andaluz tenió una caracteristica comuna,que no distinguió entre un u unatro. Iste estió o suyo
3. Especial protagonismo en as pachinas d'a represión estatal y patronal.
O caracter fuertement represivo con que as autoridatz espanyolas,
tanto baixo rechimen monarquico como republicano, afrontoron
a qüestión d'o asociacionismo obrero y, en especial, o de tendencia
libertaria, no solament amagaba a suya incapacidat pa afrontar una autentica
politica de reformas economicas y socials, sino que, amás, estió
dezaga d'a succesión de incidentz violentos y sangrientas represions
que o destacau advogau republicano, asasinau por os franquistas
en 1939, Eduardo Barriobero Herrán, qualificó d'obsesión por l'orden
publico.
Sr. Matanza-----------------Ska-P (3:35)
Andalucía tiene o triste privilechio d'ocupar un puesto protagonista.
En masiadas ocasions os poders executivo, lechislativo y chudicial
se conchugaron pa privar a expansión d'as «ideyas disolvents»
d'a manumisión obrera. Dica o punto que beluns d'istos sucesos
s'han convertiu en fitos d'a historia d'Espanya d'istos decenios.
Asinas ocurre, por eixemplo, con os casos que conoixemos como de «A Man
Negra», «L'asalto labrador a Jerez» u, ya en o sieglo xx,
os sucesos ocurrius en Alcalá d'o Valle y Casas Viellas. Dica o
punto que han aconseguiu a categoría de tema literario. Estén pro recordar
A bodega de Vicente Blasco Ibáñez, u la aldea del crimen
de Ramón J. Sender.
Encara que tampoco cal ixuplidar a brutal represión, que millor
podría qualificar-se d'operacions de guerra colonial, que sufrioron
as localidatz d'a rechión ocupadas entre a fracasada sublevación
de chulio de 1936. A imperiosa necesidat de transportar a la peninsula
as tropas africanas, pa o que yera necesario controlar a val d'o
Guadalquivir, y connectar-las con l'exercito d'o Norte de Mola convirtioron
a las ciudatz y campos andaluces en un territorio a conquerir.
En ell, as fuerzas mercenarias d'o cheneral Franco actuoron
d'a sola forma que sabeban: dispertando o pánico y exercendo
o dreito de botín. Terror que perduró no solament os anyos d'o conflicto,
sino tamién entre os decenios posteriors, en as qualas a guerrilla
estió combatida con semellants metodos.
En todas istas circumstancias, chusticia, administración civil, exercito
y prensa, chuntos u por separau, no dubdoron en utilizar totz os
meyos a o suyo aconsiga pa abortar as ansias de transformación social.
Paradigmatico estió l'ocurriu en os clamaus procesos de «A Man
Negra» que, de mayo a setiembre de 1883, tenioron puesto en Jerez
de La Frontera (Cádiz) contra os acusaus d'haber cometiu una
serie de crimens en o campo gaditano. A desincusa pa aturar,
engarcholar y procesar a quantos centenars d´internacionalistas, no solament
gaditanos sino tamién d'atras provincias andaluzas. Independientment
de las causas d'os asasinatz, estioron utilizaus pa
desmantelar as sociedatz obreras que heban renaixiu en a provincia
gaditana dimpués d'a reorganización d'a Internacional en Espanya
en setiembre de 1881. L´anarcocolectivismo yera en plena expansión
en Andalucía y a aturar-lo se prestoron as autoridatz.
A Guardia Civil s'encargó de «preparar» os chudicios por meyo d'a
falsificación d'un supuesto reglamento d'una sociedat secreta
clamada «A Man Negra», que elaboró listas d'os prencipals activistas
obrers d'a provincia gaditana y obtenió as confesions de
culpabilidat d'os detenius. A la vegada, a prensa publicó horripilants
relatos sobre as suyas actividatz secretas, os crimens que heba cometiu,
os milars d´afiliaus que teneba y os suyos terribles plans. Dende
o Parlamento, os deputaus conservadors pidioron que as leis
s'aplicasen con a mayor dureza, l'exercito ocupó os campos y
centenars de soldaus treballoron en a replegada de la culle. A conclusión
estioron uns voluminosos sumarios, de mas de nueu mil
folios, que no tenioron en cuenta as confesions obtenidas baixo torturas,
se refusoron prebas y se manipuloron atras.
A conseqüencia estió siet sentencias a muerte, que se cumplioron
en Jerez o 14 de chunyo de 1884, y que vinte anyos mas tarde encara
remanirían en prisión siet d'os condenaus. A instrucción
chudicial estió tal zancocho que a Revista de Lechislación, quan publicó
os sumarios, se veyió obligada a omitir as calendatas de qualques documentos
pa privar que se podesen constatar contradiccions y errors. Manimenos, o montache s'ha transmitiu dica calendatas recients como que
una verdat. Mesmo hue, qui no sía familiarizau con a bibliografía
historica puede dar por cierta a existencia en o campo andaluz
d'una banda d'anarquistas asasins clamada «A Man Negra».
Pero no yera a primera vegada, ni estió a zaguera.
Un decenio mas tarde, en 1892, a mesma población gaditana
fuo escenario d'unatro triste escayecimiento: o clamau «asalto
labrador de Jerez». Unatra vegada tornó a represión indiscriminada y feroz
sobre l´obrerismo andaluz, como que os procesos de Montjuich lo fuoron
pa o catalán. Una manifestación de chornalers fambrudos, entre
seicientos y tres mil, invadió as carreras d'a ciudat o 8 de chinero
de 1892 dende os cercanos plans d'a Caulina an s'heban
concentrau. Entre unas horas estioron duenyos d'as carreras dica que, dimpués d'intentar liberar a qualques presos, intervinió l'exercito. Dimpués d'a
esbandada quedoron en as carreras tres muertos -o chirmán
d'un concellero, un escribero y un d'os asaltants- y numerosos
ferius.
De nuevo se repitioron as detencions masivas, a prensa s'encargó
de difundir a existencia d'un complot, os politicos recordoron
«A Man Negra», se declaró o estau de puesto y tornó a actuar
a chusticia, en ista ocasión a militar. D'entre os mas de docientos
detenius, ueito estioron sozmetius a un primer consello de guerra.
A quatro se les aplicó a pena de muerte. Nuevament, s'obtenioron
confesions baixo tortura, se disprecioron prebas, numerosas sociedatz
obreras estioron clausuradas y remanioron engarcholaus
entre muitos anyos beluns d'os mas destacaus militantes acratas
d'a zona.
Ya dentrau o sieglo xx tenió puesto una revoltina d'Alcalá d'o Valle, Cádiz. Una
huelga de solidaridat desencadenó, l'1 d'agosto de 1903, un sangriento
choque con a Guardia Civil en as carreras d'o lugar. Os
detenius estioron torturaus y tres d'ells condenaus a muerte.
En ista ocasión as execucions no se consumoron por a intensa
campanya d'a prensa republicana y anarquista y como sinyal que,
encara que poco, os tiempos cambiaban. A Guardia Civil no podeba
torturar impunement; a chusticia, encara que estase a militar, condenar
a muerte a o suyo libre albedrío, y a prensa influyent ya no yera solament
gubernamental.
O zaguer eixemplo ye talment o que millor marca os limites d'a
incapacidat d'o Estau espanyol por erichir-se en representant d'a
«paz publica» ciudadana. Estió o que ocurrió en 1933
en Casas Viejas, alavez una perdida aldeya d'a provincia de Cádiz.
O domingo 8 de chinero, en numerosas ciudatz espanyolas se
declaroron huelgas chenerals que, en muitas ocasions, tenioron un
caracter violento y, en atras, proclamoron o comunismo libertario.
Estió un movimiento revolucionario preparau por a CNT. L'intento
fracasó, falto de coordinación y mancant d'o prencipal emparo previsto:
una huelga nacional ferroviaria que no plegó a declarar-se. Manimenos,
en amaneixer d'o mierques 11 en Casas Viejas se proclamó o comunismo
libertario. A rebelión estió luego safocada y solament en a borda
d'a familia Cruz i habió resistencia. A Guardia d'Asalto a pretó fuego
de maitinada. Siet d'os suyos ocupantz resultoron muertos. Unas horas
mas tarde, en amaneixer, aturoron a una dotzena de labradors
a os quals executoron entre as restas calsinaus d'a casucha.
Pocos días dimpués, o periodico anarcosindicalista CNT denunció
lo succediu. Yera parte intresada y dengún le dio credito. Manimenos,
os reportaches que Ramón J. Sender y Eduardo de Guzmán publicoron
en a prensa madrilenya tenioron mayor credibilidat. En reubrir-se o
Parlamento en febrero, o Partiu Radical d'Alejandro Lerroux, en
a oposición, interpeló a o gubierno pa que aclarise l'ocurriu.
O president d'o gubierno, Azaña, negó os afusilamientos dica que
los certificó una comisión de parlamentarios que viachió a Casas Viejas.
Dende ixe momento os escayecimientos se sobreixioron como que una
riada. O gubierno intentó circunscribir a responsabilidat de lo succediu
a o comandant d'as fuerzas, o capitán Rojas. Pero beluns
d'os suyos companyers sinyoron un escrito asegurando que heban recibiu
ordens de no fer ni «ferius ni detenius». O director
cheneral de seguranza, Arturo Menéndez, dimitió y, pocos días dimpués,
estió engarcholau -como Rojas- acusau de homicidio.
4. Pragmatismo sindical y contina labor de propaganda y acción cultural
O acrata andaluz yera eminentment asociativo y nunca se convirtió
en miembro de collas sectarias. Encara que existisen en
o suyo sino duras polemicas, por eixemplo, sobre a orientación colectivista
u anarcocomunista u entre os sindicalistas y os partidarios d'una
acción especificament anarquista. Tenemos muitos eixemplos d'ista
afirmación. Un d'ells ye Fermín Salvochea, y o suyo periodico El Socialismo. O gaditano estió, por meyo d'as suyas traduccions, un d'os difusors en Espanya
d'as ideyas anarcocomunistas. Pero isto ye lo de menos. Intresa
mas sinyalar a escrupulosa neutralidat que mantenió o periodico,
manimenos as simpatías por Kropotkin d'o suyo editor, en as polemicas
entre defensors y alversarios d'o colectivismo y o comunismo. Dica
tal punto que, entre o periodo de mayor virulencia d'os enfrontinamientos,
1886-1890, sustenió una posición conciliadora con a finalidat de
privar scisions. Postura que mantenió dica que en 1889, dimpués d'o
Segundo Certamen Socialista, en o qual colectivistas y anarcocomunistas
discutioron publicament as suyas diferencias, creyió pasau
o risgo de ruptura, dende 1890, y se declaró ubiertament anarcocomunista.
Casas Viejas------Barricada (3:22)
Unatro eixemplo lo tenemos en as practicas sindicals d'os anarquistas
andaluces que pueden caracterizar-se de maduras, revolucionarias
y organizadas dentro d'as suyas posibilidatz. Adchectivos aplicables
tanto a os sindicatos labradors como urbans. Asinas, estioron as organizacions
animadas por os treballadors anarquistas as que a primers de
sieglo empecipioron a oposar-se a o salario albercau -parte
en diners y parte en minchada- y pidioron a reducción d'a chornada
de treballo. Dica tal punto que a rechión se convirtió en una en
as qualas mayor repercusión tenioron tanto o Primer de Mayo, dende
1890, como que, entre os anyos trenta, la luita por a reducción d'a
chornada a seis horas que pediba l´AIT, refundada en Berlín en
1922. En chunyo de 1936 o Sindicato d'a Construcción d'a CNT
de Sevilla sinyó con a patronal d'o sector as primeras bases en as qualas se replegaba ista petición.
Andalucía siempre animó a creyación d'una organización nacional
labradora que dotase de mayor eficacia as suyas luitas. En Córdoba,
con asistencia de numerosos delegaus d'a rechión, se creyó a Federación
Nacional d'Obrers Agricultors (FNOA), heredera d'a
viella Unión de Treballadors Labradors (UTC) . Dimpués,
Jerez de la Frontera acullió a o suyo consello federal y a o suyo portavoz
A Voz d'o Labrador. Ista organización, considerada
como que a primera de caracteristicas plenament anarcosindicalistas,
significó tanto una millor estructura de las luitas labradoras,
dotando-le d'una plataforma reivindicativa coherent, como que o vinclo
de labradors de diferents zonas d'o país.
Quan a FNOA desapareixió en 1919, en integrar-se en a CNT
y adoptar ista o modelo organizativo de Sindicato Solo, a necesidat
de contar con una organización labradora nacional quedó en a memoria
d'os sindicatos andaluces y a ixo dedicoron os suyos esfuerzos
a lo largo d'os decenios siguients, sobre tot entre os anyos
trenta. Diversas localidatz andaluzas, como Jerez u Morón, estioron
siede d'as secretarías provisionals d'a futura Federación Nacional.
En a capital d'o Campo gaditano reaparixió o periodico A Voz
d'o Labrador, portavoz d'os labradors.
No extranya por tanto que difuera en Jerez an, pa obtener
unas bases de treballo d'un anyo de duración y o salario a ixuto,
s'aplicase, en 1914, a tactica de meter en huelga a l´unisono a
totz os lugars d'una comarca y no abandonar-la dica que totz
hesen aconseguiu as reivindicacions.
Quan en 1917 los abances salarials aconseguius se veyioron retallaus por a inflación,
estioron activistas como que Diego Martínez u Sebastián Oliva,
dirichents d'a FNOA, u mas radicals, como que Juan Guerrero, en
1917, y Pérez Cordón, en os anyos trenta, qui se metioron a o
frent d'accions muitos mas duras, como huelgas chenerals, pa
frenar o retacule obrero. No ye posible, por tanto, caracterizar as
practicas de l'anarcosindicalismo como que d'un revolucionarismo sin fin.
Unatro eixemplo ye o d'o camín recorriu, entre os anyos trenta,
por a confederación rechional d'a CNT dica plegar a un pacto
d'unidat sindical con a UGT. Todas dos centrals s'heban enfrontinau
durament en os anyos anteriors por ocupar o espacio sindical. En
1934, dimpués d'o fracaso d'as dos insurreccions d'a CNT, a expulsión
d'o gubierno d'os socialistas y o triunfo d'a extrema dreita
en as eslecions de fins de 1933, se produció a radicalización d'os
afiliaus socialistas. A la vegada que a CNT andaluza heba dentrau
en una critica situación. Amás, dende prencipios d'anyo heba amaneixiu
una corrient favorable a la unidat d'acción con a UGT
en observar o cambeo d'actitut d'a militancia socialista y o perigloso
ascenso d'o faxismo. Encara que en prencipio, os cenetistas andaluces
s'amostroron reticents a plegar a qualsiquier tipo d'intelichencia, en
chunyo emparoron a huelga convocada por a Federación Nacional de
Treballadors d'a Tierra (FNTT) y, en agosto, o Pleno Rechional
de sindicatos andaluces aprebó, a escala rechional, a realización de
pactos circumstancials con os sindicatos d'a UGT.
Con este alcuerdo os anarcosindicalistas andaluces no feban sino
refrendar a practica adoptada en Sevilla entre a huelga labradora
de chunyo de 1934 y daba carta de naturaleza organica a posibles
entendimientos con os socialistas. En 1936, a CNT y a UGT andaluza
caminaban unidas en o suyo deseyo de clarificar definitivament o
panorama sindical d'a rechión. Dimpués d'a integración d'a comunista
CGTU en o sindicato socialista, todas dos centrals empuchicaban a os
clamaus «sindicatos autonomos» pa que decidisen a suya federación
en una d'as dos. En mayo, en Zaragoza, a la calor de l'entusiasmo
dispertau por o triunfo electoral d'o Frent Popular, o congreso
nacional d'a CNT dio un paso mas ent´allá respective a l'adoptau por
os cenetistas andaluces en agosto de 1934: o pacto CNT-UGT se
realizaría a escala d'organizacions, no de entz locals. Cierto ye
que no plegó a meter-se en practica. Lo impidioron las dubdas d'o
sindicato socialista, que os suyos dirichents percibioron l'avantalla propagandistica
que daba a os anarcosindicalistas presentar-se debant d'a opinión
obrera como os adalitz d'a unidat revolucionaría obrera.
De todas formas, ista se realizó en a carrera entre a sublevación
militar de chulio.
Pragmatismo sindical que se completó con una contina labor
de propaganda y acción cultural. Estió a prensa republicana a que,
en a mayoría d'as comarcas, introdució as ideyas internacionalistas
en Andalucía. Continó estando una d'as rotas entre os decenios
siguients. Pero no a sola ni a mas important. Atras estioron a creyación
de centros culturals, con distintos nombres como Centro
d´Estudios Socials u Ateneu de Divulgación Social, y escuelas.
Porque
5. Andalucía ha estau cuna d'importants figuras d'o movimiento obrero
Unatra d'os immensos quefers por realizar ye a de rescatar de l'ixuplido,
y en muitos casos d'a infamia, a os milars de militantz
anarquistas que, en comarcas y chicotas u grans localidatz, eixemplificoron
a importancia d'o movimiento libertario en Andalucía.
Mesmo d´as figuras que han pasau a la mitolochía de toda a sociedat
espanyola, caso Fermín Salvochea, hue considerau como «santo» por
bellas capas populars de Cádiz, no existen biografías completas,
ni muito menos a recopilación d'a suya obra. Por tanto, ye facil imachinar
qué succede con os militantz de chicotas poblacions. A simpla
enumeración de belunas decenas d'ells se convierten en o mayor
elemento de comprensión de dica qué punto as ideyas libertarias
estioron, entre istos decenios, un elemento consubstancial d'a sociedat,
economía y cultura andaluza. Muitos d'ells yeran labradors
u treballadors urbans. Pero tamién trobamos a artesans, burceses
desclasaus, a mayoría d'ells procedents d'o republicanismo.
A partir d'o verano de 1936, a mils estioron asasinaus y senglos engarcholaus, vexaus y reducius a la condición d'esclaus d'os vencedors en campos de
concentración y batallons de treballo. Muitos marchoron a l'exilio
pa no tornar nunca y i habió qui decidioron continar la luita
en campos y ciudatz. En Andalucía, a guerrilla actuó significativament
dica, a lo menos, 1950.
Ideia Zabaldu, difunde a Ideya, yera a consignia d'aquells que propagaban a Ideya Libertaria, como que o protagonista d'a Bodega, Fermín Montenegro. Tamién ye o titol d'o zaguer disco que quitó Negu Gorriak, si no tenemos en cuenta l'excelent disco de versions posterior, Salam, Agur. No voi a charrar-tos d'o disco, si encara no l'hetz sentiu ya itz tardando...iste y a resta de discos.
Dentro d'iste disco, Ideia Zabaldu, veniba una estupenda canta, Hitz Egin, que traducida a l'aragonés, diría mas u menos lo siguient:
FABLA!
Sí, yo tamién recitaba
A Bertolt Bretch.
Denunciaba a inchusticia
en voz alta
sin puesto a dubdas
A mía retorica les
y decidioron tallar-me
a luenga de cuallo.
As mans prencipioron
a escribir librement
tocando a guitarra
amiga rebelde.
Y vinioron unatra vegada en a mia busca,
sin brazos me dixoron, invalido.
Manimenos, luego prencipié
a apanayar-me-las
con os didos d´os pietz.
En vano, os munyons
d´as garras descansan
en a silla de ruedas.
Pero a uellada les heba de
seguir denunciando
porque os cuervos
me rancoron os uellos.
A mía sola presencia
les heba d´aterrorizar
As mías orellas escuitoron
chusto o son d´o disparo.
Devantaria belún a voz?
Para alavez,
por contra,
totz yeran mudos
FABLA!
POR A LIBERTAT D'EXPRESIÓN.
CHARRA!
y dica aquí o programa de hue. Si t´ha feito goyo, nos torna-mos a sentir cada 15 días en O Suenio d´o Dragón, en Radio La Granja, en o 102.1 d´a F.M.
Has de marchar, pus si tiens que fer-lo, fez-lo; pero si no te viene de gusto...nena, por favor, no vaigas
Baby please don´t go--------Bobby Blue Bland & Little JR Walker( 2:22)
